Signôr de Sense,
che tu sês sparît dal nestri mût di jessi
par sparniçâti dapardut, in cîl e in tiere,
par jessi presint: tes personis e tes situazions,
par jessi vîf : in nô e in dutis lis nestris zornadis.
Tu tu i dâs il savôr dal cîl,
a cheste nestre tiere
e a cheste nestre storie
par ch’o ti sintìni dongje, simpri e dapardut.
Tu tu puartis cun te, là su tal cîl,
cheste nestre tiere e cheste nestre storie:
par vierzinus ‘ne puarte sul nestri avignî,
che si palese come une strade,
plene di une Lûs che nus mene
là che il nestri cûr al brame;
parcè che o sin partîts di là
par vivi su la tiere,
ma cu la nostalgjie di là,
cirint: bielece, grandece, eternitât e amôr…
E dome là, chest nestri cûr,
al podarà polsâ, jemplantsi di te
che tu sês dut ce che nô o bramìn!
E, se tu âs vût tant gust di fâti om,
nô o vin tant gust che mai di jessi Diu!
E tu, Signôr de Sense,
tu sês la nestre strade.
AMEN. (Lc 24,46-53)
Commenti recenti